• Дата публикации: 06/05/2019 - 18:08
    орталық ашылуы
    Мазмұны:

    Үстіміздегі жылдың 6 мамырда Жастар жылы аясында Қызылорда қаласында Сырдария өзеннің сол жағалауында орналасқан Жастар орталықтың салтанатты ашылуы өтті.

    Орталықтың ашылауы рәсіміне облыс әкімі Қ. Көшербаев қатысып, жастарды жаңа ғимаратпен құттықтады.

    Жаңа орталықта IT-park, хакспейс, антикафе, интернет-кітапхана, жаттығу залы, коворкинг, фитнес орталықтар, жастарға әдістемелік қызмет көрсету бөлімі, 330 адамға арналған көпфункционалды зал, жастар шығармашылығын дамыту орталығы, өз-өзіне қызмет көрсету және жастар ұйымдарының бөлмесі тәулік бойы жұмыс істейтін болады.

    Жастар орталығы ғимараты бизнестің әлеуметтік жауапкершілігі негізінде «ҚазГермұнай» Біріккен кәсіпорны» ЖШС демеушілік қолдауымен пайдалануға беріліп отыр.

  • Дата публикации: 04/04/2019 - 11:52
    кеңес
    Мазмұны:

    Облыстық жастар саясаты мәселелері басқармасының ұйымдастыруымен үстіміздегі жылғы 3 сәуірде облыс әкімі Қ.Е.Көшербаевтың төрағалығымен облыс әкімдігі жанындағы жастар істері жөніндегі кеңестің көшпелі отырысы Шиелі ауданында Ы. Жахаев ауылының Мәдениет үйінде өтті.

    Отырыс барысында 2017 жылдың 24 сәуірде № 766 облыс әкімімен бекітілген Қызылорда облысы бойынша мемлекеттік жастар саясатын дамытудың 2021 жылға дейінгі Жол картасының орындалуы, жастар мен жасөспірімдер арасында қылмыстылық пен құқықбұзушылықтың алдын алу бағытында атқарылған жұмыстар және Қызылорда облысы, Шиелі, Жаңақорған аудандары бойынша мемлекеттік жастар саясатының жүзеге асырылу барысы туралы хабарламалар тыңдалды.

    Кеңестің аясында облыс әкімі Шиелі кентінде мемлекеттік рәміздер алаңы мен «Рухани жаңғыру» аллеясының ашылу салтанатына қатысты.

    Сонымен қатар, аймақ басшысы аудандағы шаруа қожалықтарына тұрақты жұмысқа орналасу үшін 10 жасқа және «Жаxаев ізбасарлары» еңбек лагеріне жолданатын 10 жасқа жолдама табыстады.

    Шара барысында қатысушыларға қолөнер көрмесі, ұлттық спорт түрлерінен сайыс ұйымдастырылды.

    Кеңеске облыстық департамент және басқарма басшылары, қала, аудан әкімдері және орынбасарлары, ауылдық округтердегі жастар ісі жөніндегі мамандары, «Жастар ресурстық орталығы» КММ-нің қызметкерлері, белсенді жастар ұйымдары, жоғары оқу орындардың ректорлары, барлығы 200-ге жуық қатысушылар болды.

  • Дата публикации: 12/03/2019 - 18:54
    Мазмұны:

    Үстіміздегі жылдың 11 наурыз күні Қызылорда облысының әкімі Қ. Көшербаевтың аймақ жастарымен бейресми «Орталық студия» форматында кездесу өтті. Шараға облыстың белсенді жастары, «Атамекен» балалар ауылының тәрбиеленушілері, «Жастар үйінің» тұрғындары, Ресей Федерациясының жоғары оқу орындарында білім алып келген түлектер, облыс әкімнің грант иегерлері, білім, ғылым, спорт, мәдениет саласында жетістікке жеткен жастар қатысты. Кездесуде аймақ басшысы жастармен еркін әңгімелесіп, ақыл-кеңесін айтып, сыр жастарына сәттілік тіледі.

  • Дата публикации: 27/02/2019 - 16:52
    Кеңес беру шарасы
    Мазмұны:

    Үстіміздегі жылдың 25 ақпанда Қызылорда қаласында облыстық Жастар жылының ресми ашылуы өтті. Ашылу аясында облыс әкімінің орынбасыры Р. Рүстемовтың аймақтың белсенді жастарымен кездесу, жастарға арналған «Ашық есік күні» мен кеңес беру шаралары, студенттер арасында баскетболдан облыстық турнирі, жергілікті жас өнерпаздардың қатысуымен мерекелік концерт және т.б. шаралар ұйымдастырылып, оларға 2500 мыңға жуық жас қатысты.

    Атап айтқанда, 10.00-17.00 сағат аралығында «Еуразия» спорт кешенінде «Мүмкіндіктер алаңы» шарасы ұйымдастырылып, әр түрлі сала мамандарының қатысуымен барлық санаттағы жастарға кеңес берілді.

    Шара барысында 22 мемлекеттік мекеме, ҚР Ұлттық банкі Қызылорда филиалы, «Тұрғын үй құрылыс жинақ банкі», «Даму» кәсіпкерлікті дамыту қоры» АҚ-ның қызметкерлері өз салалар бойынша (кәсіпкерлік, «Серпін», облыс әкімінің гранттары, «Дипломмен ауылға», тұрғын үй, психологиялық кеңес, жолақы, жеңілдік-қолдау көрсету, құжат рәсімдеу, азаматтылықты алу, жұмыспен қамту, шығармашылық, спорт және т.б. мәселелер) жастарға қажетті ақпараттар беріліп, мекемелер тарапынан 121 жұмыс орындары ұсынылды. Облыстың 19 оқу орындары мамандары қазіргі заман талабына сай мамандықтар бойынша кәсіби бағдар жүргізді. Шарада 1230 жас қамтылды.

    15.00-19.00 сағат аралығында «Мұз айдыны» мұз сарайында тегін конькимен сырғанау ұйымдастырылды. Оған 400 жас қатысты.

    Сонымен қатар, мұз сарайында жоғары және орта арнаулы оқу орындарынан және аула клубтарынан құралған жастардың қатысуымен баскетболдан қалалық турнир 13 команда арасында өткізілсе, М.Ықсанов атындағы Қызылорда политехникалық колледжінде жас жеткіншектерді әлеуметтік бейімдеу орталығының жастары және колледж студенттерінен құралған 4 команда арасында шағын футболдан жарыс ұйымдастырылды. 300-ге жуық жастар қамтылды.

    17.00 сағ. Қорқыт Ата атындағы ҚМУ-нің Студенттер сарайында облыс әкімінің орынбасары Р. Рүстемов аймағымыздың жастар активімен кездесті. «Senin ýaqytyń» атты кездесу білім, мәдениет, ғылым, спорт саласында биіктерді бағындырған белсенді жастар мен олардың креативті идея мен ұтымды ұсыныс алаңына айналды, мақсаты айқын, жастардың тың бастамалары мен өзекті мәселелері қозғалды. Шараға жиналған жастардың саны - 130 адам.

    Мерекелік күн «Еуразия» спорт кешенінде жергілікті жас өнерпаздардың қатысуымен концертімен аяқталды.  Кеште Сыр өнерпаздары Н. Нураддинова, Б. Бектұрғанова, А. Коңырбай және «МONTE KARLA» тобы жанды дауыста түрлі әндер шырқады. Қамтылғандар жастар саны 400 жуық.

  • Дата публикации: 05/11/2018 - 17:41
    Мазмұны:

    Үстіміздегі жылы 31 қазанда Ә. Тәжібаев атындағы ғылыми-әмбебап кітапханасының мәжіліс залында Жастар ресурстық орталықтарының жұмысын дамыту бойынша Үйлестіру кеңесінің отырысы өтті. Оған облыстық жастар саясаты мәселелері басқармасының басшысы мен бөлім басшылары және барлық деңгейдегі жастар ресурстық орталықтарының директорлары қатысты.

    Отырыс барысында орталықтардың 9 айда атқарған жұмыстары бойынша есептері мен Жаңақорған аудандық ЖРО-ң директоры Ә.Әкімбектің, Қармақшы аудандық ЖРО-ң директоры Ә.Ыбраһимнің, Сырдария аудандық ЖРО-ң директоры Ғ.Ораловтың және облыстық ЖРО-ң директоры Ж.Алдабергеновтің баяндамалары тыңдалды.

    Есептер қорытындысымен басқарма басшысы тарапынан барлық орталық директорларға ескертулер жасалып, тиісті тапсырмалар берілді және 2019 жылы - Жастар жылына ісшаралар жоспарын тиімді әзірлеп, ұйымдастыру мен өткізілуі тапсырылды.

  • Дата публикации: 02/11/2018 - 17:20
    Мазмұны:

    Облыстық жастар саясаты мәселелері басқармасы, «Қызылорда облысының жастар Одақтары» қоғамдық бірлестігінің ұйымдастыруымен үстіміздегі жылдың 30 қазанда «Шаңырақ» мейрамханасында «Сенің еңбегің, сенің ертеңің» атты облыстық еңбек маусымының жабылу салтанатына орай жастар балы өткізілді.

    Іс-шарада еңбек маусымда облыс бойынша белсенді жұмыс жасаған үздік жасылелдіктер мен жас құрылысшылар, педагогикалық жасақтарының сарбаздары арнайы дипломдар және бағалы сыйлықтармен марапатталды. Олардың ішінде, «Үздік сарбаз» номинациясы - Мадияров Нұрбек (Шиелі ауданы), «Үздік командир» номинациясын екі сарбаз иеленді - Серəліұлы Сəтбай (Жалағаш ауданы) мен Сапарбек Бақмұхаммед (Қызылорда қаласы), «Үздік аудан» номинациясы Қазалы ауданына берілді.

    Балда, 30 жұптан құралған жастар вальс билеп, одан кейін, қатысушылар арасында лотореялық билеттер мен ойындар ойнатылды.

  • Дата публикации: 26/09/2018 - 10:34
    Мазмұны:

    Үстіміздегі жылғы 24 қыркүйекте облыстық жастар саясаты мәселелері басқармасы мен «Сыр елі және ХХІ ғасыр» қоғамдық қоры ұйымдастыруымен Қызылорда қаласының А. Тоқмағамбетов атындағы мәдениет үйінде «Ұлттың айбыны - рух байлығы» атты республикалық жас ақындар айтысы өтті.

    Аталмыш шараны басқарма басшысы Қ. Жанұзақов ашып, «Айтыс - атадан аманат болған қасиетті өнер. Бүгінгі сөз бәсекесінде жастар тақырыпқа байланысты орамды ой, ұтымды ұсыныс, орынды пікірімен көпшілікті ризашылыққа бөлейді деген сенімдемін. Шараның мақсаты - жастардың бәсекеге қабілетін арттыру, ұлттық бірегейлікті сақтай отырып, жастарды ұлттық өнерге баулу. Сананың ашықтығын қалыптастыруды мақсат еткен бұл айтыс өскелең ұрпақты отансүйгіштікке тәрбиелеп, олардың таным-талғамын ұлт руханиятына бағыттайды. Қазақтың төл өнері, құдіретті сөзі арқылы мемлекеттік тілдің мерейін арттырады. Сөз додасында бақ сынайтын жастарға сәттілік тілеймін», - деді.

    Жастар айтысын белгілі айтыскер-ақын, республикалық «Алтын домбыра» иегері Мұхтар Ниязов жүргізді. Айтысқа Алматы, Ақтөбе, Қарағанды қалалары мен Түркістан, Қызылорда облыстарынан жас ақындар қатысты.

    Республикалық «Ана тілі» ұлт газетінің бас редакторы, ақын Жанарбек Әшімжан басшылық еткен әділ қазылар алқасының шешімімен бірінші орынға қызылордалық Сырым Әділбек лайық деп танылды. Ақтөбелік Нартай Тілеуқұл мен қарағандылық Нұрмұхаммед Байсүгіров екінші орын биігінен көрінді. Алматылық Жібек Шахмардан үздік үштікті түйіндеді.

  • Дата публикации: 24/09/2018 - 14:42
    Мазмұны:

    2018 жылдың 23 қыркүйегі күні Байқоңыр қаласында жергілікті қалалық мәдениет, жастар саясаты, туризм және спорт басқармасының ұйымдастыруымен «Дружба народов!» ұлттық мәдениеттер фестивалі өтті. Фестиваль аясында «Мы – одна команда!» жастар тимбилдингі мен «Поколение молодых» тақырыбымен биден жарыс-батл өткізілді.

    «Поколение молодых» биден жарыс-батлына барлығы 9 команда қатысты. Қызылорда қаласы атынан «Golden State» және «WM» би топтары өнерлерін көрсетті.

    Жарыс-батлдың нәтижесі бойынша студенттерден құрылған «Golden State» би тобы жүлделі І орынды, мектеп оқушыларынан құралған «WM» би тобы ІІ орынды иеленіп, дипломдармен және қаржылай сыйақымен марапатталды.

    Сондай-ақ, қызылордалық жастар қалалық мәдениет және демалыс паркте байқоңырлық жастармен бірге тимбилдинг ойындарын ойнап, достық қарым-қатынасты одан әрмен нығайтты. Ойының соңында жастар өзара ақпарат алмасып, достық ниеттерін жеткізді.

     

  • Дата публикации: 24/09/2018 - 14:40
    Мазмұны:

    2018 жылдың 23 қыркүйегі күні Байқоңыр қаласында жергілікті қалалық мәдениет, жастар саясаты, туризм және спорт басқармасының ұйымдастыруымен «Дружба народов!» ұлттық мәдениеттер фестивалі өтті. Фестиваль аясында «Мы – одна команда!» жастар тимбилдингі мен «Поколение молодых» тақырыбымен биден жарыс-батл өткізілді.

    «Поколение молодых» биден жарыс-батлына барлығы 9 команда қатысты. Қызылорда қаласы атынан «Golden State» және «WM» би топтары өнерлерін көрсетті.

    Жарыс-батлдың нәтижесі бойынша студенттерден құрылған «Golden State» би тобы жүлделі І орынды, мектеп оқушыларынан құралған «WM» би тобы ІІ орынды иеленіп, дипломдармен және қаржылай сыйақымен марапатталды.

    Сондай-ақ, қызылордалық жастар қалалық мәдениет және демалыс паркте байқоңырлық жастармен бірге тимбилдинг ойындарын ойнап, достық қарым-қатынасты одан әрмен нығайтты. Ойының соңында жастар өзара ақпарат алмасып, достық ниеттерін жеткізді.

     

  • Дата публикации: 20/09/2018 - 11:13
    Мазмұны:

    Облыстық жастар саясаты мәселелері басқармасы, «Жастар ресурстық орталығы» КММ-сі және ҰҚК Шекара қызметі 2019 әскери бөлімінің ұйымдастыруымен үстіміздегі жылғы 19 қыркүйек күні А. Тоқмағамбетов атындағы Қызылорда қалалық мәдениет үйінде жас отбасылар арасында «Жас Отау» атты облыстық байқау өтті.

    «Жас отау» облыстық жас отбасылар байқауының өткізілуі Тәуелсіз Қазақстанның демографиялық және әлеуметтік дамуының негізі болып табылатын отбасы мен отбасы құндылықтарын, отбасының жағымды бейнесін көпшілік арасында кеңінен насихаттауға бағытталған.

    Байқау «Болашаққа бағдар: рухани жаңғыру» бағдарламасын жүзеге асыру аясында ұйымдастырылып, өскелең ұрпақтың адамгершілік-рухани дамуында отбасылық құндылықтардың ролін нығайтуды, ұрпақтар сабақтастығын, отбасылық қарым-қатынастар мәдениеті мен салттарын сақтауға ықпал етуді көздейді.

    Төрт кезеңнен тұратын байқау сындарына облыстан бес отбасы қатысты.

    Байқау нәтижесінде Ахметовтар отбасы - «Салт-дәстүрді сақтаған отбасы», Сайдхасановтар отбасы - «Өнерлі отбасы», Дәулетбаевтар отбасы -«Шебер отбасы», Ибраевтар отбасы - «Тапқыр отбасы», Наурызбаевтар отбасы - «Белсенді отбасы» номинацияларымен иеленіп, барлық қатысушылар арнайы сыйлықтарымен марапатталды.

Беттер

©  ҚЫЗЫЛОРДА ОБЛЫСЫНЫҢ ӘКІМДІГІ

Барлық құқықтар қорғалған және сақталған.

Сайттан мәлімет қолданған жағдайда түпнұсқаға сілтеме болуы міндетті

Яндекс.Метрика