2019 жылдың ІІІ тоқсанында Қызылорда облысында мемлекеттік жастар саясатының

жүзеге асырылуы

 

Жалпы статистикалық мәлімет. Өңірде жастардың ахуалы тұрақты сипатталады. ҚР Ұлттық экономика министрлігінің Статистика комитетінің мәліметтеріне сәйкес өңір халқының 22 пайызын жастар құрайды (Байқоңыр қаласының жастарын қоса есептегенде 15 пен 28 жас аралығында 163 588 азамат, оның ішінде, қала жастары – 67 634 (41%), ауыл жастары – 95 954 (59%) адам.

Бес жылдың ішінде аймақта экономикалық белсенді жастардың саны артқан. Ақпарат ретінде: 2018 жылы - 102,2 мың адам; 2017 жылы - 96,2 мың адам;2016 жылы - 97,5 мың адам;

2015 жылы - 92,2 мың адам; 2014 жылы - 98,7 мың адам.

2019 жылдың ІІІ тоқсанына жастар арасындағы жұмыссыздық деңгейі 4,2% құрайды. Соңғы бес жылда бұл көрсеткіш тұрақты төмендеп келеді.

2019 жылдың ІІІ тоқсанына NEET санатына жататын жастар санының көрсеткіші 8,2 пайызды құрады (2016 жылдың ІІІ тоқсанында 12,0 пайызды құрады).

Көрсеткіштің төмендеуіне мемлекеттік бағдарламаларды жүзеге асырумен қатар, облыс әкімдігінің 2018 жылға арналған арнайы «Қызылорда облысы бойынша NEET санатындағы жастармен жұмыс жасау жөніндегі егжей-тегжейлі іс-шаралар жоспарының» (34 тармақтан), «Қызылорда облысы бойынша мемлекеттік жастар саясатын дамытудың 2021 жылға дейінгі жол Картасының» (23 тармақтан) бекітіліп, жүзеге асуының ықпалы болды деуге болады. Бұл екі құжатта да жастардың жалпы санынан NEET санатындағы жастарының үлесін азайту көзделген.

Жастар саясатын жүзеге асырудың тиімділігін анықтау мақсатында жүргізілген әлеуметтік зерттеулердің 2018 жылдың қорытындысымен «Мемлекеттік жастар саясатының жүзеге асырылуына қанағаттану деңгейі» 94 пайызды құрады.

Үстіміздегі жылы мемлекеттік жастар саясатын қаржыландыруға жергілікті бюджеттен 605 млн. теңге қаржы бөлінді. Оның ішінде мемлекеттік әлеуметтік тапсырысқа 241,1 млн. теңге қарастырылып, 48 әлеуметтік жоба  жүзеге асырылуда, оның 29-і қалалық және аудандық деңгейде.

Үстіміздегі жылы Ресей Федерациясы Үкіметінің бюджеті есебінен Мәскеу және Санкт-Петербург қалаларындағы жетекші техникалық жоғары оқу орындарында 47 түлек мектеп бітіруші түлек оқуға қабылданды  (МИСиС - 5, К.А.Тимирязев атындағы Ресей мемлекеттік аграрлық университеті - 4, Мәскеу энергетикалық институты - 9, Санкт-Петербург мемлекеттік өсімдік полимерлері технологиялық университеті - 29.)

2019 жылы техникалық жоғары оқу орындарын бітіруші 119 түлектің 107-і дипломын алды (12 студент сессия тапсыра алмауына байланысты келесі оқу жылына қалды). Бүгінгі күні дипломын алған жас мамандардың 46-ы Ресей Федерациясының  оқу орындарында білім алуды жалғастыру мақсатында магистратураға түсті (2018 жылмен (44) қосқанда 90 сыр  жастары магистратурада оқуларын жалғастыруда).

Елге оралған түлектердің есепті мерзімде 30-ы жергілікті кәсіпорындар мен мекемелерге тұрақты жұмысқа орналасты. 7 маман «Жастар тәжірибесі» арқылы мекемелерде тәжірибеден өтуден.

Ақпарат ретінде: электрмен жабдықтау (10), өндіріс (11), ауыл шаруашылығы (6), мемлекеттік мекеме (10) (барлығы: 37).

19 түлек жеке себептерге байланысты (басқа қалаларға көшу, жеке кәсіппен айналысу, ем алу т.б.) әкімдік ұсынған жұмыстан бас тартты.

Қазақстан Республикасы Үкіметінің 2019 жылғы 30 қаңтардағы № 27 қаулысымен бекітілген «Жастар жылын өткізу жөніндегі жол картасы» (ҚР Үкіметінің 02.04.2019 жылғы №153 қаулысымен енгізілген өзгерістер ескерілді) басшылыққа алынып, 4 негізгі блоктан (тірек іс-шаралар, жаңа бастамалар, үкіметтік емес ұйымдарды гранттық қолдау, мемлекеттік органдардың іс-шаралары) және 131 тармақтан тұратын «Қызылорда облысында «Жастар жылын» өткізу жөніндегі кешенді іс-шаралар жоспары» облыс әкімімен бекітілді (04.04.2019 ж. №03/1-6/1866).

Облыста мемлекеттік жастар саясатын жүзеге асыруға мүдделі мекемелермен жоспарға 28 жаңа жоба  ұсынылып, оның 14-нің қаржысы (106,5 млн.теңге) қолдау тапты.

Облыстық жастар саясаты мәселелері басқармасының тапсырысы бойынша 24-26 тамыз аралығында «Медиа Жұлдыз» Қоғамдық қорының ұйымдастыруымен «Жастар-Отанға!» республикалық жастар лагері өткізілді.

Жастардың үздік идеяларын қолдау мақсатындағы лагерьге «Jas Otan» Жастар қанаты мүшелерімен қатар республиканың әр аймағынан 100-ден аса белсенді, сондай-ақ мүмкіндігі шектеулі, әлеуметтік тұрмысы төмен отбасынан шыққан, NEET санатындағы жастар  қатыстырылды.

Үстіміздегі жылы 19-21 қыркүйек аралығында Жастар жылы аясында облыстық жастар саясаты мәселелері басқармасының ұйымдастыруымен Түркі тілдес елдер жастарының «Түркі әлемін тоғыстырған - Сыр елі» атты халықаралық фестивалі өткізілді.

Халықаралық шараның мақсаты - түркі дүниесі жастарының қарым-қатынасын нығайту, түркі тілдес халықтардың ортақ тарихы мен түркі дүниесі құндылықтарын қалыптастыру, Сыр елінің тарихымен таныстыру, ішкі туризмді дамытуға жаңа мүмкіндік ашу және Елбасының жолдауларынан туындайтын тапсырмаларды жүзеге асыру болып табылады.

19 қыркүйек күні түркі тілдес елдер жастары Қызылорда қаласының сол жағалауында жаңа Жастар орталығымен таныстырылды. Дөңгелек үстелдің мақсаты - фестивалға қатысушы қонақтармен тәжірибе алмасу. Аталған шараға ҚР Ақпарат және қоғамдық даму министрлігінің Жастар және отбасы комитеті төрағасының орынбасары Ш. Байманов, Қазақстан халқы облыстық  ассамблея хатшылығының басшысы Л.Төрешова және ассамблеяның этно-мәдени орталықтарының жастары, облыстағы белсенді жастар және аудандық ЖРО орталықтарының қызметкерлері қатысты. Шарадан кейін жастар «Рухани жаңғыру» мұражайымен танысты.

20 қыркүйек күні Қызылорда облыстық тарихи өлкетану музейіне, Қорқыт Ата ескерткішіне, орталық алаңның аллеясына экскурсия ұйымдастырылды. Сонымен қатар жастар «Қорқыт және Ұлы Дала сазы» халықаралық фольклорлық-музыкалық өнер фестивалінің салтанатты ашылуына қатысты.

21 қыркүйек күні түркі тілдес елдер жастары Байқоңыр ғарыш алаңының тарихи музейімен танысып, Қармақшы ауданы,  Қорқыт ата мемориалдық кешенінде «Түркі әлемін тоғыстырған Сыр елі» атты халықаралық фестивалге қатысты. Фестиваль 5 секторларға бөлінді.  «Ұлттық ойындар»- секторында жастар арқан тарту, қол күресі, гір тасын көтеру, қой көтеру, алтыбақан сайыстарын ұйымдастырды. «Ұлттық тағам» секторында 3 азпазшы мастер класстар ұйымдастырып, жастар «Бауырсақ пати», «Қарбыз фест» сайыстарын ұйымдастырды. «Ұлттық қолөнер» секторында  қолөнешілер көрме ұйымдастырып, 2 қолөнер бұйымдары бойынша мастер-класстар өткізді. Қолданбалы көркем өнер өнімдерінің көрме-сатылымын ұйымдастырды. «Қазақ музыкалық театр өнері» секторында этно-фольклорлы театрландырылған музыкалық қойылым тамашалады. Шара соңы үлкен гала концертке ұласты.

Шараға Түркия, Қырғызстан, Өзбекстан, Татарстан және Әзірбайжан елдерінен және республиканың барлық өңірінің белсенді жастары, сонымен қатар жергілікті этно-өкілді және белсенді жастар барлығы 300-ге жуық жастар қатысты.

Ү.ж. 16-22 қыркүйек күндері облысы жастарының«Ақжарма и К» шаруа қожалығында «Жахаев Ізбасарлары» атты егістік басындағы 7 күндік еңбек лагері өткізілді. Лагердің негізгі мақсаты қала жастарына ауыл өмірінің тыныс тіршілігін таныстыру болып табылады.

Білімнің салтанат құруы бағытында «Мобильді Кітапхана» жобасы негізінде қалаішілік  (1, 17- бағыт) екі қоғамдық көлік ішіне ұлттық рәміздер туралы ақпараттар орналастырылды.

Осы ретте, 1 қазан күні «Жас ұстаздар» форумы өткізілді. Форумға обылыс көлемінен 150 ге жуық ұстаздар қатысты. «Ұлы даланың ежелгі өнер мен технологиялар музейі» арнайы жобасы аясында «ТАРИХ ТОЛҚЫНЫНДА» атты өлкетану музейлеріне, тарихи орындар мен ескерткіштерге танымдық экскурсиялар өткізілді. Атап айтсақ «Қожа Ахмет Яссауи», «Оқшы Ата», кесенелеріне, «Сауран», «Қорқыт ата» кесенесіне және Ғани Мұратбаев атындағы мұражайға барлығы 200 жасты қамти отырып танымдық экскурсиялар ұйымдастырылды.

Үстіміздегі жылдың 23 қазанында «Жас Ұлан» ББЖ қозғалысын дамыту» әлеуметтік жобасы аясында «Асыл Мұра» облыстық балалар этнофестивалі ұйымдастырылды. Фестиваль 2 бөлімнің тұрды. Бірінші бөлімде Қызылорда облыстық өлкетану мұражайы экспозициясы таныстырылымы мен фестивальдің ашылуы ұйымдастырылды. Екінші бөлімде қатысушылар бабадан жеткен қолөнер туындыларын, Ұлы даланың сан қырлы тарихынан сыр шертетін аса мол археологиялық ескерткіштерді насихаттап, көрпе, түскиіз, сырмақ, ағаш, жүн, теріден жасалған бұйымдарды көпшілік назарына ұсынылды.

Үстіміздегі жылдың 14 қарашасында облысқа қарасты барлық аудан, қала жастары арасында кәсіпкерлік сана мен дағдыларды қалыптастыру мақсатында «Kyzylorda Business Hub» облыстық стартап жобалар байқауының 2-ші кезеңі ұйымдастырылды. Байқауға жалпы облыс бойынша 466  жас қатысты, «Startup Weekend»  2-ші кезеңі бойынша 90 жас іріктеліп, финалға жолдама алды. Финалдық кезеңге іріктелген қатысушылар өз бизнес жобаларын дайындайды. Жобалар инвесторлар алдында таныстырылады. Үздік шыққан 3 жобамен келісім шартқа отырып инвестиция бөлінеді, 10-нан аса жас қаржылай сыйақыға ие болады.

Үстіміздегі жылдың 25 қарашасында Байқоңыр қаласында облыстық «Достық kz» облыстық форумы ұйымдастырылды. Форум 2 секциялық жұмыспен жалғасын тапты. Бірінші секцияда «Жастар ісінің мақсат міндеттері, Жастар ресурстық орталықтары туралы үлгілік ереже» семинар-тренингісі, екінші секцияда «Жоба менеджменті» семинары ұйымдастырылды. Форум пленарлық отырыспен және концерттік бағдарламамен қорытындыланды.


2019 жылдың ІІ тоқсанында Қызылорда облысында мемлекеттік жастар саясатының жүзеге асырылуы

Өңірде жастардың ахуалы тұрақты сипатталады. ҚР Ұлттық экономика министрлігінің Статистика комитетінің мәліметтеріне сәйкес өңір халқының 22,2 пайызын жастар құрайды (Байқоңыр қаласының жастарын қоса есептегенде 14 пен 29 жас аралығында 176 746 азамат, осы көрсеткіш 2016, 2017жж. - 201 347 жас, 2018 жылы 190 101 жас). Оның ішінде, қала жастары – 73 590 (41,6%), ауыл жастары - 103 156 (58,4%) адам.

Бес жылдың ішінде аймақта экономикалық белсенді жастардың саны артқан. Ақпарат ретінде: 2018 жылы - 102,2 мың адам; 2017 жылы - 96,2 мың адам;2016 жылы - 97,5 мың адам; 2015 жылы - 92,2 мың адам; 2014 жылы - 98,7 мың адам.

Жастар арасындағы жұмыссыздық деңгейі 4,2% құрайды. Соңғы бес жылда бұл көрсеткіш тұрақты төмендеп келеді.

Бес жылда NEET санатына жататын жастар санының көрсеткіші 6,4 пайызға төмендеп, 8,3% құрады. Көрсеткіштің төмендеуіне мемлекеттік бағдарламаларды жүзеге асырумен қатар, облыс әкімдігінің 2018 жылға арналған арнайы «Қызылорда облысы бойынша NEET санатындағы жастармен жұмыс жасау жөніндегі егжей-тегжейлі іс-шаралар жоспарының» (34 тармақтан), «Қызылорда облысы бойынша мемлекеттік жастар саясатын дамытудың 2021 жылға дейінгі жол Картасының» (23 тармақтан) бекітіліп, жүзеге асуының ықпалы болды деуге болады. Бұл екі құжатта да жастардың жалпы санынан NEET санатындағы жастарының үлесін азайту көзделген.

Жастар саясатын жүзеге асырудың тиімділігін анықтау мақсатында жүргізілген әлеуметтік зерттеулердің 2018 жылдың қорытындысымен «Мемлекеттік жастар саясатының жүзеге асырылуына қанағаттану деңгейі» 94 пайызды құрады.

2019 жылы мемлекеттік жастар саясатын қаржыландыруға жергілікті бюджеттен 589.1 млн. теңге қаржы бөлінді. Оның ішінде мемлекеттік әлеуметтік тапсырысқа 230.5 млн. теңге қарастырылып, 47 әлеуметтік жоба  жүзеге асырылуда, оның 29-і қалалық және аудандық деңгейде.

Ресей Федерациясы гранты есебінен Ресейдің маңдайалды инженерлік оқу орындарында 510 қызылордалық студенттер білім алуда. Оқуға түскен түлектердің алғашқы легі,  74 студент 2018 жылы өз дипломдарын алды. Олардың 45-і Ресей Федерациясының оқу орындарында білімін жалғастыру мақсатында магистратураға түссе, дипломын алып, елге оралған түлектердің 19-ы жергілікті кәсіпорындар мен мекемелерге тұрақты жұмысқа қабылданды.

2019 жылы Ресей Федерациясының Мәскеу және Санкт-Петербург қалаларындағы жоғары техникалық оқу орындарын 22 мамандық бо    йынша 117 Қызылордалық түлек бітіретін болады. Қазіргі таңда түлектердің 50-і оқуын магистратурада жалғастыруды жоспарласа, 67 түлекті жергілікті кәсіпорындар мен мекемелерге жұмысқа орналастыру жоспарлануда. (қала - 97 түлек 82,9%, аудандар - 20 түлек 17,1%) Арал ауданы – 6, Қазалы ауданы – 4, Сырдария ауданы – 3, Жалағаш ауданы – 4, Шиелі ауданы – 2, Байқоңыр қаласы – 1.

Түлектерді жұмысқа орналастыру бойынша облыстық басқармаларға және қала, аудан әкімдіктеріне нақты тапсырмалар берілген болатын. Қазіргі таңда атқарылған нақты жұмыстардың нәтижесінде 40-тан аса бітіруші түлектің жұмыспен қамтылуы бойынша мүмкіндік қарастырылған.

Қазақстан Республикасы Үкіметінің 2019 жылғы 30 қаңтардағы № 27 қаулысымен бекітілген «Жастар жылын өткізу жөніндегі жол картасы» (ҚР Үкіметінің 02.04.2019 жылғы №153 қаулысымен енгізілген өзгерістер ескерілді) басшылыққа алынып, 4 негізгі блоктан (тірек іс-шаралар, жаңа бастамалар, үкіметтік емес ұйымдарды гранттық қолдау, мемлекеттік органдардың іс-шаралары) және 131 тармақтан тұратын «Қызылорда облысында «Жастар жылын» өткізу жөніндегі кешенді іс-шаралар жоспары» облыс әкімімен бекітілді (04.04.2019 ж. №03/1-6/1866).

Облыста мемлекеттік жастар саясатын жүзеге асыруға мүдделі мекемелермен жоспарға 28 жаңа жоба  ұсынылып, оның 14-нің қаржысы (106,5 млн.теңге) қолдау тапты.

Үстіміздегі жылы 15 маусымда Жаңақорған ауданы Ақүйік ауылдық округі Бірлік ауылында облыстық ауыл жастарының слеті өткізілді. Слетке барлық аудан және Қызылорда қаласының қоғамдық ұйым белсенділері, «Дипломмен ауылға!» бағдарламасы аясында жұмысқа орналасқан жас педагогтар, жас кәсіпкерлер, жұмысшы жастар, «Атамекен» балалар ауылының жастары және жастар орталықтарының өкілдері барлығы 250-ден астам жас қатысты.

Слет аясында қатысушы делегаттар Бірлік ауылы жастарының қолымен жасалған игі бастамалардың куәсі болды. Атап айтсақ, ауыл стадионы, мешіт, жастар саябағына экскурсия жасалып, еркін форматта пленарлық отырыспен жалғасын тапты.

2019 жылдың 10 шілдесі күні ««Рухани жаңғыру» бағдарламасын жүзеге асыру бойынша жастар арасында ақпараттық-насихаттық жұмыстарды ұйымдастыру» әлеуметтік жобасы аясында «ТҰЛҒА ТАНУ» республикаға және облысқа танымал тұлғалардың, зиялы қауым өкілдерінің жастармен кездесуі өтті. Кездесуге  «Nur Otan» партиясы Төрағасының бірінші орынбасары Б. Байбек және облыс әкімі Қ. Ысқақов жастарымен еркін форматтағы кездесу өткізді.

Сонымен қатар,  аталмыш жоба аясында 2019 жылдың 14 маусым күні облыстық «Жастар орталығында» «Жастар» ғылыми-зерттеу орталығының аймақтық дамыту және үйлестіру басқармасының басшысы Л. Узарова жастармен кездесу өткізді.

2019 жылдың 15 маусым күні Жаңақорған ауданы, «Үсен Ата» бауы, Қаратау тауының етегінде «Ұлы дала елі» атты облыстық жастар фестивалі өткізілді. Фестиваль аясында ұлттық спорт түрлерінен сайыстар және қолөнер көрмесі ұйымдастырылды.

 


2019 жылдың І тоқсанында Қызылорда облысында мемлекеттік жастар саясатының жүзеге асырылуы

Үстіміздегі жылы мемлекеттік жастар саясатын қаржыландыруға жергілікті бюджеттен 509,9 млн. теңге қаржы бөлінді. Оның ішінде мемлекеттік әлеуметтік тапсырысқа 208,3 млн. теңге қарастырылып, 44 әлеуметтік жоба жүзеге асырылуда, оның 29-і қалалық және аудандық деңгейде.

Сондай-ақ, тұрмысы төмен отбасыдан шыққан, күндізгі бөлімде білім алатын 3 533 студентке қоғамдық көлікте жеңілдікпен жүруге облыстық бюджеттен 91 млн.840 мың теңге қаржы бөлінді.

Аймақта облыстық, қалалық және аудандық деңгейде «Жастар ресурстық орталығы» КММ-рі жұмыс жасауда. Қазіргі таңда жастар ресурстық орталықтарында 91 қызметкерлер жұмыс жасауда. Үстіміздегі жылы облыс бойынша жастар ресурстық орталықтары қызметіне 172,2 млн. теңге қаржы бөлінді.

ҚР Үкіметінің 2019 жылғы 30 қаңтардағы №27 қаулысымен бекітілген «Жастар жылын өткізу жөніндегі жол картасы» басшылыққа алынып, «Қызылорда облысында Жастар жылын өткізу жөніндегі кешенді іс-шаралар жоспары», «Қызылорда облысы бойынша мемлекеттік жастар саясатын дамытудың 2021 жылға дейінгі Жол картасы», «18-29 жас аралығындағы NEET жастарды, оның ішінде 2018 жылғы түлектерді жұмыспен қамту және әлеуметтендіру бойынша жол картасы», «Қызылорда облысының жастар саясаты мәселелері басқармасы мен Байқоңыр қаласының мәдениет, жастар саясаты, туризм және спорт басқармасының бірлескен іс-шараларының жоспар-кестесі» жаңартылып бекітілді.

Үстіміздегі жылдың 25 ақпанда Қызылорда қаласында облыстық Жастар жылының ресми ашылуы өтті. Ашылу аясында облыс әкімінің орынбасыры Р. Рүстемовтың аймақтың белсенді жастарымен кездесу, жастарға арналған «Ашық есік күні» мен кеңес беру шаралары, студенттер арасында баскетболдан облыстық турнирі, жергілікті жас өнерпаздардың қатысуымен мерекелік концерт және т.б. шаралар ұйымдастырылып, оларға 2500 мыңға жуық жас қатысты.

11 наурыз күні Қызылорда облысының әкімі аймақ жастарымен бейресми «Орталық студия» форматында кездесті. Шараға облыстың белсенді жастары, «Атамекен» балалар ауылының тәрбиеленушілері, «Жастар үйінің» тұрғындары, Ресей Федерациясының жоғары оқу орындарында білім алып келген түлектер, облыс әкімнің грант иегерлері, білім, ғылым, спорт, мәдениет саласында жетістікке жеткен жастар қатысты. Кездесуде аймақ басшысы жастармен еркін әңгімелесіп, ақыл-кеңесін айтып, сыр жастарына сәттілік тіледі.

3 сәуірде облыс әкімі Қ.Е.Көшербаевтың төрағалығымен облыс әкімдігі жанындағы жастар істері жөніндегі кеңестің бірінші көшпелі отырысы Шиелі ауданында Ы. Жахаев ауылының Мәдениет үйінде өтті.

Отырыс барысында 2017 жылдың 24 сәуірде № 766 облыс әкімімен бекітілген Қызылорда облысы бойынша мемлекеттік жастар саясатын дамытудың 2021 жылға дейінгі Жол картасының орындалуы, жастар мен жасөспірімдер арасында қылмыстылық пен құқықбұзушылықтың алдын алу бағытында атқарылған жұмыстар және Қызылорда облысы, Шиелі, Жаңақорған аудандары бойынша мемлекеттік жастар саясатының жүзеге асырылу барысы туралы хабарламалар тыңдалды.

Кеңестің аясында облыс әкімі Шиелі кентінде мемлекеттік рәміздер алаңы мен «Рухани жаңғыру» аллеясының ашылу салтанатына қатысты.

Сонымен қатар, аймақ басшысы аудандағы шаруа қожалықтарына тұрақты жұмысқа орналасу үшін 10 жасқа және «Жаxаев ізбасарлары» еңбек лагеріне жолданатын 10 жасқа жолдама табыстады.

Шара барысында қатысушыларға қолөнер көрмесі, ұлттық спорт түрлерінен сайыс ұйымдастырылды.


Қызылорда облысында мемлекеттік жастар саясатының жүзеге асырылуы (2018 жыл)

Қазақстан Республикасы Ұлттық экономика министрлігінің Статистика комитетінің мәліметтеріне сәйкес 2018 жылдың 1 қаңтарына өңір халқының 24 пайызын жастар құрайды. Аймақта Байқоңыр қаласының жастарын қоса есептегенде 14 пен 29 жас аралығындағы 190 101 тұрғын (2017 ж. – 201 347 жас) есепке алынған (қала жастары – 79 795 (42%), ауыл жастары – 110 306 (58%).

2018 жылдың ІІІ тоқсанына экономикалық белсенді жастардың саны – 100,8 мың (2017 жылдың ІІІ тоқсанына 98,5 мың адам), оның 4,2 мың жұмыссыздар (ІІІ т. 2017 ж. – 4,5). 2017 жылдық қорытындысымен жастар арасындағы жұмыссыздық деңгейі 4,3 пайызды құрап, тоқсан сайынғы көрсеткіш артқан болса (І т. – 3,2%, ІІ т. – 4,2%, ІІІ т. – 4,5%, ІV т. – 4,8%), 2018 жылғы тоқсандық көрсеткіштер төмендеп 4,2% құрады (І т. – 4,3%, ІІ т. – 4,3%). Соңғы бес жылда жастар арасындағы жұмыссыздық деңгейінің тұрақты төмендеуі байқалады. Атап айтқанда бұл көрсеткіш аймақ бойынша 5,1%-дан 4,2%-ға төмендеген.

Статистикалық мәліметтерге сәйкес аймақтағы NEET санатына жататын жастардың санының жылдық көрсеткішінің де төмендеп келе жатқаны байқалады. 2018 жылдың ІІІ тоқсанындағы мәлімет бойынша 9,3-тен (І тоқсан) 7,5%-ға азайған (ІІІ т. 2016 ж. – 12,0%, ІІІ т. 2017 ж. – 8,7%). Көрсеткіш үшінші тоқсан қорытындысмен республикалық орташа деңгеймен теңесті.

Көрсеткіштің төмендеуіне мемлекеттік бағдарламаларды жүзеге асырумен қатар, облыс әкімдігінің 2018 жылға арналған арнайы «Қызылорда облысы бойынша NEET санатындағы жастармен жұмыс жасау жөніндегі егжей-тегжейлі іс-шаралар жоспарының» (34 тармақтан), «Қызылорда облысы бойынша мемлекеттік жастар саясатын дамытудың 2021 жылға дейінгі жол Картасының» (23 тармақтан) бекітіліп, жүзеге асуының ықпалы болды деуге болады. Бұл екі құжатта да жастардың жалпы санынан NEET санатындағы жастарының үлесін азайту көзделген.

Жыл сайын еңбек нарығындағы сұраныстар мен қажеттіліктерді анықтауға мүмкіндік беретін еңбек ресурстарының балансы жаңартылады. Нәтижесінде жыл сайын еңбек нарығына Жоғарғы және арнаулы оқу орындарынан 9 мыңнан аса түлек (2018 жыл бойынша ЖОО-5047, орта арнаулы оқу орындары – 4769) дайындалатын болса, мектептерден 5 мыңнан аса оқушы бітіретіні анықталды (барлығы 14 мыңнан аса адам).

Сонымен қатар, негізгі әсер етуші факторлардың бірі ретінде екі жыл қатарынан қызылордалық мектеп бітірушілердің 97%-ның жоғары және орта арнаулы оқу орындарына түсуін айтуға болады. 2018 жылдың өзінде олардың 70% жоғарғы оқу орындарына, 27% орта арнаулы оқу орындарына оқуға түсті.

2018 жылы мемлекеттік жастар саясатын қаржыландыруға жергілікті бюджеттен 519 млн. теңгеден аса қаржы, оның ішінде мемлекеттік әлеуметтік тапсырысқа 176 168,3 теңге қаржы қарастырылды. Барлығы 37 әлеуметтік жоба жүзеге асырылды, оның 24-і қала және аудандық деңгейде іске асты. Облыстық жастар саясаты мәселелері басқармасымен 13 әлеуметтік жоба (128 067,0 тг.) жүзеге асырылды. 2019 жылы жастарды әлеуметтендіру, жекелей жұмыстарды жүргізу мақсатында басқармамен 11 әлеуметтік жобаны жүзеге асыру жоспарлануда. Жастар жылы аясында қосымша 4 жобаны жүзеге асыру көзделуде.

Жастар арасында қалыптасатын әлеуметтік проблемаларды кезең-кезеңімен шешу мақсатында «Қызылорда облысында жастар саясатын дамытудың 2021 жылға дейінгі жол картасы» облыс әкімдігінің қаулысымен бекітіліп, іске асыруда. 2018 жылы Жол картасында көрсетілген 31-нысаналы индикаторларға ішінара қол жеткізілді.

2018 жылы «SAMRUK-KAZYNA TRUST» әлеуметтік жобаларды дамыту қорының «Менің Елiм» әлеуметтік инвестициялар бағдарламасы мен Қазақстан Республикасы Білім және ғылым министрлігі мен Дүниежүзілік банк бірлесіп іске асырып жатқан «Жастар корпусын дамыту» («Zhas project») жобалары Қызылорда облысында жүзеге асырылды.

Облыс әкімдігі мен «SAMRUK-KAZYNA TRUST» әлеуметтік жобаларды дамыту қоры (бұдан әрі - Қор) арасындағы келісімге сәйкес Қорға 150-ден астам әлеуметтік маңызды жобалар ұсынылды.

Екіжақты жүргізілген жұмыстар нәтижесінде үстіміздегі жылы жастардың бос уақытын ұйымдастыруға арналған 6 нысанның құрылысы жүргізілді. Олар: Қызылорда қаласында 2 спорттық алаң (Титов м/а (футбол алаңы), «Жастар үйінің» ауласы (ойын және спорттық жаттығу алаңы)), Сексеуіл кентінде 1 спорттық алаң, Шиелі кентінде 1 спорттық алаң және Жаңақорған ауданында 2 спорттық алаң (Жаңақорған кенті, Шалқия а/о).

Жоба аясында салынған әр нысанның құны 60,0 млн.теңгені (жалпы өлшемі: 20x40, 1300 шаршы метр) құрайды.

ҚР Білім және ғылым министрлігі мен Дүниежүзілік банк бірлесіп іске асырып жатқан «Жастар корпусын дамыту» (Zhas project) жобасы биыл еліміз бойынша 6 облыста (СҚО, ШҚО, Қостанай, Ақтөбе, Жамбыл, Қызылорда) жүзеге асырылды. Конкурстардан өткен бір жобаға 1,0 млн.теңгеден қайтарымсыз грант бөлінді.

Облыс бойынша жергілікті әкімдіктер мен жастар ресурстық орталықтарының үйлестіруімен техникалық іріктеу кезеңіне жастардың 671 жобасы ұсынылып, 262 жоба (әр жоба 1 млн. теңгеден) нақты қолдау тапты. Жоба аясында жұмыс істемейтін және оқымайтын немесе жұмыс істейтін, бірақ кедейлік шегінен тыс қалып отырған 900-ден аса (931) аймақ жастары 6 ай көлемінде шәкіртақы негізінде жалақы (40-60 мың теңге) ала отырып жұмыс жасады.

Жоба талабына сәйкес жастар 6 ай бойына сатып алынған құрал-жабдықтары арқылы өндірілген өнімдерін немесе қызметтерін қоғамның әлжуаз топтары мен әлеуметтік орталықтар тәрбиеленушілеріне тегін негізде үлестірсе, одан кейінгі мерзімде сатып алынған құралдарымен табыс тауып, белгілі бір кәсіппен айналысуына кәсіпкерлік бағытта қызмет жасауына мүмкіндік берілді.

2014 жылдан бастап мектеп түлектерін мақсатты түрде үздік отандық  және ресейлік жоғары оқу орындары мен колледждерге жіберіліп келеді.

Аудандар мен Қызылорда қаласы әкімдігі жанынан құрылған студенттерді іріктеу жөніндегі арнайы комиссиялардың шешімдерімен 2013-2014 жж. және 2016-2017 жж. өңірге қажетті мамандықтар бойынша (еңбек ресурстар балансына сәйкес) аз қамтылған отбасыларынан барлығы 678 мектеп бітіруші түлектер облыс әкімінің грант иегері атанды (2013 жылы – 123, 2014 жылы - 242, 2016 жылы - 147, 2017 жылы -166). 2018 жылы 205 грант бөлініп, бүгінгі күні жалпы бөлінген грант саны 883-ке жеткізілді. 2016 және 2017 жж. 116 студент (2016 ж.- 9, 2017 ж.-107) оқуын бітірсе, 2018 жылы 226 бала оқу орнын аяқтады.

Ресей Федерациясы гранты есебінен Ресейдің маңдайалды инженерлік оқу орындарына оқуға түскен түлектеріміздің алғашқы легі, яғни 74 студент өз дипломдарын алды.

Бүгінгі күнге түлектердің 45-і Ресей Федерациясының оқу орындарында білім алуды жалғастыру мақсатында магистратураға түсті.

Дипломын алып, елге оралған түлектердің есепті мерзімде 19-і жергілікті кәсіпорындар мен мекемелерге тұрақты жұмысқа қабылданды.

Барлық аудандарда жастармен жекелей жұмыстар жастар ресурстық орталық мамандарымен жүргізіліп отыр. Қазіргі таңда өңірдегі 9 ЖРО-ың жастармен жұмыс жасайтын қызметкерлер саны – 95, барлық ауылдық округтегі жастар мамандарының саны 149-ды құрайды.

Елбасының 2018 жылы 5 қазандағы Жолдауында «2019 жыл – Жастары жылы» деп жарияланды. Осы ретте, 2019 жылы облысымызда «Түркі тілдес елдер жастарының халықаралық фестивалі», «Нұр Отан» партиясы «Жас Отан» Жастар қанатының «Жастар-Отанға» саяси лагерін, «Ауыл жастарының облыстық слеті» масштабты көлемде шараларды өткізуді жоспарлануда.

Қызылорда қаласының Сырдария өзенінің сол жақ жағалауында «Жастар орталығы» бой көтеруде. Үстіміздегі жылы орталық қызметі «бір терезе» қағидатының талаптары негізінде, жастарға бір орыннан коворкинг қызметтерін және барлық қолдауларды шоғырландыратын болады.

Орталық базасында жастардың бос уақыттарын ұйымдастыратын продюсерлік орталық, жаттығу залы, анти-кафе, интернет кітапхана, мүмкіндігі шектеулі жандарға арналған арнайы бөлмелер, медициналық, психологиялық кеңес беру бөлмелері, шеберханалар, тіл оқыту орталығы, ІТ–парк қарастырылуда.


2018 жылдың ІІІ тоқсанында Қызылорда облысында мемлекеттік жастар саясатының жүзеге асырылуы

Өңірімізде мемлекеттік бағдарламалардың басымдықтары бірі жұмыссыз жастарды тарту болып табылады. 2018 жылдың ІІ тоқсаны бойынша жастар арасындағы жұмыссыздық деңгейі 4,3 пайызды құрады.

Есепті кезеңде жастар ресурстық орталықтармен 9 бос жұмыс орын жармеңкесі ұйымдастырылып, нәтижесі бойынша – 94 жас жұмыспен қамтылды. Қосымша жас құрылыс жасағы арқылы студент және жұмыссыз жастарды жұмыспен қамту мақсатында 228 жас құрылыс нысандарына жұмысқа жіберілді. Олардың қатарында жазасын шартты өтеп шыққандар-16, балалар үйінің түлектері - 9, мүмкіндігі шектеулі - 2 жас, студент-жастар – 201. Жастардың жұмыссыздық мәселелерінің алдын алуы және кәсіптік бағдарлау мақсатында аталмыш олқылықтың орнын толтыру үшін мектеп және техникалық кәсіптік білім беру мекемелерінің оқушыларын өңіріміздегі 13 кәсіпорынына эксурсия ұйымдастырылды.

Сонымен қатар, жазғы маусымда «Жасыл Ел» жобасы аясында 1035 жас көркейту-көгалдандыру жұмыстарына тартылды.

ҚР Білім және ғылым министрлігі мен Дүниежүзілік банк бірлесіп іске асырып жатқан «Жастар корпусын дамыту» (Zhas project) жобасы биыл еліміз бойынша 6 облыста, оның ішінде Қызылорда облысында да жүзеге асырылуда.

Жоба – жастарды қоғамның өміріне тартуға және олардың қоғамдық пайдалы қызметке қатысуына ықпал етуге, өмірлік маңызы бар дағдыларды үйретіп, бастамаларын қолдауға бағытталған. Жоба бойынша ерекше басымдылық жұмыс істемейтін және оқымайтын немесе жұмыс істейтін, бірақ кедейлік шегінен тыс қалып отырған қатысушыларға беріледі.

Сондай-ақ, конкурстардан өткен бір жобаға 1,0 млн.теңгеге дейін қайтарымсыз грант бөлінеді.

Осы ретте, облыстан 671 жоба ұсынылған болатын. Бүгінгі күні конкурстық іріктеме жұмыстары аяқталып, қорытындысымен СҚО-нан – 71, Қостанай облысынан – 145, ШҚО-нан – 158, Ақтөбе облысынан - 165, Жамбыл облысынан – 222 өтсе, Қызылорда облысы 266 жобамен (931 қатысушы жас) көш басында.

Аталған 266 жоба қала және аудандар бөлінісінде келесідей болып отыр: Арал ауданы - 4, Қазалы ауданы - 11, Қармақшы ауданы - 14, Жалағаш ауданы - 26, Сырдария ауданы - 19, Шиелі ауданы - 30, Жаңақорған ауданы - 69, Қызылорда қаласы - 93.

Жобалардың жүзеге асуына қолдау көрсету, оларды сүйемелдеу мақсатында «Жастар ресурстық орталығынан» тиісті қызметкерлер бекітілді.

Қызылорда облысы әкімдігінің жолдамасымен Ресей Федерациясы Үкіметінің бюджеті есебінен Мәскеу және Санкт-Петербург қалаларындағы жетекші техникалық жоғары оқу орындарынан үстіміздегі жылы бітіруші 75 түлектің 74-і дипломын алды (1 студент сессия тапсыра алмауына байланысты диплом алған жоқ).

Бүгінгі күнге түлектердің 43-і Ресей Федерациясының оқу орындарында білім алуды жалғастыру мақсатында магистратураға түсті. Дипломын алып, елге оралған түлектердің есепті мерзімде 16-і жергілікті кәсіпорындар мен мекемелерге («СКЗ-U» ЖШС, «Теплотехникс» ЖШС, «Bеst сервис» LTD» ЖШС, «Қызылорда жарығы» компаниясы, «Ансар сервис» ЖШС, «Байкен-U» ЖШС, индустриалды-инновациялық даму және энергетика және тұрғын үй-коммуналдық шаруашылық басқармалары, облыстық жастар ресурстық орталығы т.б.) тұрақты жұмысқа қабылданды. 6 түлек жеке себептерге байланысты (көшу т.б.) әкімдік ұсынған жұмыстан бас тартты. Қалған 9 бітірушіні жұмысқа орналастырудың белсенді шаралары қабылдануда. Жыл соңына дейін барлық бітіруші түлектер жұмыспен қамтылатын болады.

Қызылорда облысы әкімі гранты иешерлерінің саны биылдан бастап екі есеге артып 205-ті құрады. Жалпы грант иегерлері 883-ке жетті. 2016-2017 оқу жылында 116 түлек оқуларын аяқтап дипломдарын алған болса, биыл 226 түлекті құрап отыр.

2016 – 2017 жж. Оқуларын бітірген 116 түлектің:

- 7 – оқуларын магистратурада жалғастыруда;

- 26 – тұрақты жұмыстарға орналасты;

- 23 – жастар практикасына жіберілді;

- 1 – басқа облыстарға көшіп кетті;

- 1 – денсаулық жағдайына байланысты жұмысқа жарамсыз.


2018 жылдың ІІ тоқсанында Қызылорда облысында мемлекеттік жастар саясатының жүзеге асырылуы

Облыстық әкімдік жанындағы жастар ісі жөніндегі Кеңес қызметі

Өңірімізде жастардың өзекті мәселелерін шешу бағытында барлық деңгейде консультативтік кеңесші орган жұмыс жасауда (облыстық, қалалық және 7 аудандық). Жыл басынан барлығы 9 отырыс өткізілді. Облыстық кеңестің құрамында облыстық мәслихат депутаттары, мемлекеттік мекеме басшылары, жастар ұйымдарының өкілдері. Облыс әкімдігі жанындағы кеңестің жалпы мүшелерінің 27,5% жастар ұйымдарының өкілдері құрайды. Кеңес мүшелері  мемлекеттік жастар саясатының өзекті мәселелері мен олардың қала және барлық аудандарда орындалуы барысын талқылайды.

Үстіміздегі жылғы 4 мамырда облыс әкімі Қ.Е.Көшербаевтың төрағалығымен облыс әкімдігі жанындағы жастар істері жөніндегі кеңестің көшпелі отырысы Қызылорда облысының Қазалы ауданында Әйтеке би кентінің Р. Бағланова атындағы Мәдениет үйінде өтті.

Отырыс барысында 2017 жылдың 24 сәуірде № 766 облыс әкімімен бекітілген Қызылорда облысы бойынша мемлекеттік жастар саясатын дамытудың 2021 жылға дейінгі Жол картасының орындалуы, жастар арасында кәсіпкерлікті дамыту шаралары, NEET санатындағы жастармен атқарылған жұмыстар және Қызылорда облысы, Қазалы, Жалағаш аудандары бойынша мемлекеттік жастар саясатының жүзеге асырылу барысы туралы хабарламалар тыңдалды.

Кеңестің аясында жастармен жұмыс жасайтын мамандарға «Jhas project» жастар корпусын дамыту» жобасы бойынша семинар ұйымдастырылды. Сонымен қатар, қатысушылар Ғани Мұратбаев атындағы мемориалдық мұражайға барып, ескерткішіне гүл қойды. Отырысқа 200-ге жуық адам қатысты.

Жастардың өзін-өзі басқаруын ұйымдастыру тиімділігін жоғарлату.

Жастар ісі жөніндегі комитеттермен жұмыс күшейтіліп, олардың саны артқандығын байқауға болады. Мәселен, қазіргі таңда әр түрлі меншіктегі кәсіпорындар мен мекемелерде 17 (2016 жылы 14), жоғары, техникалық және кәсіптік білім беру ұйымдарында 30 (2016 жылы 21) жастар ісі жөніндегі комитет жұмыс атқаруда.

Ү.ж. 13 наурызда «Тұрғын үй құрылыс жинақ банкі» АҚ Қызылорда облысы бойынша филиалының ғимаратында отбасын құрған жастардың және оқу орындары мен кәсіпорындардағы жастар ісі жөніндегі комитет жетекшілерінің қатысуымен Елбасы Н.Ә. Назарбаевтың «Президенттің бес әлеуметтік бастамасы» атты халыққа арнаған Үндеуіне, сондай-ақ «Әрбір отбасына баспана алудың жаңа мүмкіндіктері» жөнінде кеңес беру шарасы өткізілді.

Шарада облыстық жастар ресурстық орталығының және «Тұрғын үй құрылыс жинақ банкінің» мамандары жастарға баспана алудың жаңа мүмкіндіктерін таныстырып жастардың сұрақтарына жауап берді.

Сонымен қатар, 7-21 мамыр аралығында жастар арасында жұмысшы мамандықтарды насихаттау және оларды кәсіпорындардың жұмыс барысымен таныстыру мақсатында қаладағы «Абзал және К» ТС, Қызылорда электржылу орталығы, «Қызылорда» автобус паркі» ЖШС-не жұмыссыз жастарға экскурсиялар ұйымдастырылды. Барлығы 80 жас қамтылды.

22 мамыр күні жастар ісі жөніндегі комитет жетекшілері арасында облыстық ұлттық спорт түрлерінен сайыс өткізілді. Сайысқа 25 жас қатысты.

26 мамырда 8 кәсіпорынның қатысуымен ұлттық спорт түрлерінен сайыс өткізіліп, 78 жас қамтылды.


2018 жылдың І тоқсанында Қызылорда облысында мемлекеттік жастар саясатының жүзеге асырылуы

Жалпы мәлімет.

2018 жылы мемлекеттік жастар саясатын қаржыландыруға жергілікті бюджеттен 649 млн. аса қаржы (2017 жылдан 30% артып отыр), оның ішінде мемлекеттік әлеуметтік тапсырысқа 128 067,0  теңге қаржы қарастырылды. Барлығы 42 әлеуметтік жобаны жүзеге асыру жоспарлануда, оның 29-і қала және аудандық деңгейде іске асады.

Облыстық жастар саясаты мәселелері басқармасымен 13 әлеуметтік жоба жүзеге асырылады. Атап айтқанда, ауыл жастарын әлеуметтендіру, еріктілердің тиімді жұмысының жүйесін, жастардың бойында жоғары патриоттық санасын, өз елі үшін мақтаныш сезімін қалыптастыру, педагогикалық, құрылыс, «Жасыл ел» еңбек жасақтарының жұмысын ұйымдастыру, жастар шығармашылығын дамыту, ҚР Қарулы Күштерінің имиджін көтеру және әскери қызметін насихаттау, «Рухани жаңғыру» бағдарламасын жүзеге асыру бойынша жастар арасында ақпараттық-насихаттық жұмыстарды ұйымдастыру, жастардың бос уақыттарын тиімді өткізу мақсатында жұмыс жасалатын болады.

Жастар мен кәмелетке толмағандар арасында құқық бұзушылықтың алын-алу, қылмыстың өсуіне жол бермеу мақсатында «Облыс бойынша NEET санатындағы жастармен жұмыс жасау жөніндегі егжей-тегжейлі іс-шаралар жоспары» жаңартылып қайта бекітілді.

Сонымен қатар, Қызылорда облысы және Байқоңыр қаласы арасындағы жастардың өзара әрекеттестік және әріптестік қызметінің жұмыстарын ұйымдастыру мақсатында облыс әкімі және Байқоныр қаласының әкімшісінің басшысымен бірлескен ісшаралар жоспары бекітілді.

Жастар ресурстық орталығының қызметі.

Облыста 9 жастар ресурстық орталығы жұмыс жасайды. Онда 100 маман жастармен жұмыс жасайды. Әрбір ауылдық округте жастар ісі жөніндегі 149 маман қызмет көрсетуде.

Жастар арасында өзекті мәселелер мен ұсыныстарды талқылау, шешу механизмдерін табу мақсатында облыстық орталық жанынан Қызылорда облысының жастар маслихатының ережесі бекітіліп, жоғары, техникалық және кәсіптік білім беру ұйымдары мен жалпы орта арнаулы мектептерде жастар маслихаттары құрылды.

Облыстағы жастар ресурстық орталықтарының жұмысының сапасын және нәтижелілігін дамыту мақсатында облыстық орталық жанынан «Жастар ресурстық орталықтарының жұмысын дамыту бойынша Үйлестіру Кеңесі» құрылды.  Ережесі бекітіліп, жоспары әзірленді.

Сондай-ақ, мемлекеттік жастар саясатының жүзеге асырылу барысындағы түйіткілді мәселелерді талқылау және олардың шешілу жолдарын қарастыру, жастар ұйымдарынының тиімді әрі өзара іс - қимыл жасауын, олардың қызметін одан әрі жетілдіру жөніндегі ұсыныстар әзірлеу мақсатында Орталық жанындағы жастар ұйымдарын дамыту жөніндегі Үйлестіру кеңесінің ережесі, жоспары мен құрамы жаңартылып, қайта бекітілді.

 


Қызылорда облысында мемлекеттік жастар саясатының жүзеге асырылуы (2017 жыл).

Статистикалық мәліметке сәйкес, облыста Байқоңыр қаласының жастарын қоса есептегенде үстіміздегі жылғы ІІІ тоқсанына 14 пен 29 жас аралығында 192 912 азамат (2016 жылдың басына 201 347 жас) тіркелген. Оның ішінде, қала жастары – 81 054 (42%), ауыл жастары 111 858 (58%) адам. Жастар өңірдегі жалпы халықтың 25 пайызын құрайды.

2017 жылы жергілікті бюджеттен 699 796 569 теңге қаржы мемлекеттік жастар саясатын қаржыландыруға бөлінді.

«Мемлекеттік жастар саясатын дамытудың 2020 жылға дейінгі жол картасы» аясында әр түрлі бағыттағы 16 әлеуметтік жоба жүзеге асырылды. 2018 жылы жастарды әлеуметтендіру, жекелей жұмыстарды жүргізу мақсатында 11 әлеуметтік жобаны жүзеге асыру жоспарлануда.

Әр түрлі санаттағы жастармен жұмыс жасаудың бірінші басымдық - оларды оқумен және жұмыспен қамту болып белгіленді.

2017 жылғы мектеп түлектерінің 97 пайызы оқумен қамтылды.

Өңірімізде 293 мектепте 14 пен 17 жас аралығында 36 197 оқушы білім алуда (8-11 сынып).

Үш жыл көлемінде тұрмысы төмен отбасылардан шыққан 694 түлек облыс әкімдігінің арнайы грантын иеленіп отыр. Қазіргі таңда, облыс әкімінің грантымен 387 жас оқуда. 2017 жылдың өзінде грант иегерлері 165 (154-бакалавр, 11-резидентура) мектеп түлегімен толықты. Осы уақытқа дейін 116 жас оқуын аяқтап, жұмысқа орналасқан.

2014 жылдан бастап Ресей Федерациясының жетекші техникалық жоғары оқу орындарымен тығыз өзара іс-қимыл және нәтижелі әріптестік арқасында бүгінгі күні облыс мектептерінің 452 түлегі Мәскеу ұлттық технологиялық зерттеу университеті (МИСиС), Санкт-Петербург мемлекеттік өсімдік полимерлері технологиялық университеті, К.А.Тимирязев атындағы Ресей мемлекеттік аграрлық университеттерінде білім алуда. Ағымдағы жылы 62 бала оқуға қабылданса, 2018 жылы алғашқы түлектер (78 студент) оқуын аяқтайды.

Атап айту қажет, 2017 жылдың 10 қарашада Мәскеу ұлттық технологиялық зерттеу университетінде Қызылорда облысының әкімі Қ. Көшербаев Мәскеу және Санкт-Петербург қалаларының беделді жоғары оқу орындарындағы қызылордалық бітіруші студенттерімен кездесті. Кездесу барысында Сыр өңірінің тыныс-тіршілігі мен бітіруші түлектерді жұмысқа орналастыру, дүние жүзіндегі ғылым, техниканың қазіргі жағдайы мен болашағы туралы тақырыптар қозғалды.Кездесу нәтижесінде Қазақстан Республикасының Елшілігінде Ресей ғылым орталығы, М. Ломоносов атындағы Мәскеу мемлекеттік университеті, И. Губкин атындағы Ресей мемлекеттік мұнай және газ университеті және тағы басқа оқу орындарымен меморандумға қол қойылып, келісім-шарт жасалды. Меморандум аясында 2018 жылдан бастап М.Ломоносов атындағы Мәскеу мемлекеттік университеті магистратура бойынша физика-математика және механика-математикалық мамандықтардан 20 грант бөлінуі жоспарлануда. Бұл бітіруші сырбойлық жастарға білім алуға үлкен мүмкіндік береді.

«Болашақ» Халықаралық бағдарламасы бойынша облыстан 25 адам шетелде оқуда және тағылымдамадан өтуде, бүгінгі күнге дейін барлығы 142 жас қатысқан.

«Мәңгілік ел жастары – индустрияға» - «Серпін – 2050» әлеуметтік жобасы іске асырылғаннан бастап Қызылорда облысынан 3162 студент жоғары және орта білім беру мекемелерінде білім алуда. Жобаға қатысушылардың 41 пайызын өңірдің үлесінде. 2017 жылы 1046 түлек грант иеленді (ЖОО - 638, колледж – 408).

Облыстық жастар саясаты мәселелері басқармасы тарапынан жоба бойынша ақпаратты қала мен аудандардың әр елдімекендеріндегі бітіруші түлектер арасында кеңінен насихаттық және ақпараттық түсіндірме жұмыстары жүйелі түрде жүргізілуде.

Осы бағыттағы жұмыстарды тұрақты жүргізу мақсатында облыстық жастар ресурстық орталығының қызметкерлері және жастар ұйымдары өкілдерінен тұратын мобильді топ құрылып, 2017 жылғы 24-29 сәуір аралығында жоба аясында Солтүстік Қазақстан, Қарағанды, Қостанай облыстарында білім алушы студенттердің оқу үлгірімі және тыныс тіршілігімен танысу жұмыстарын жүргізді. Нәтижесінде, барлық студенттер толық жатақханамен қамтылғандығы, оқу орнын бітірген студенттерді жұмыспен қамту немесе оқуын жалғастыру мүмкіндіктері қарастырылғандығы анықталды.

Аталмыш өңірлердегі жоғары және орта арнаулы оқу орындарының басшылығы қызылордалық студенттердің білім алу деңгейінің жоғарылығы, олармен тәртіпсіздік пен құқық бұзушылықтардың орын алмағандығы және қоғамдық жұмыстардағы белсенділіктеріне тоқталды.

Өңірде мемлекеттік жастар саясаты институттары дамып келеді. Әр түрлі меншіктегі ірі өнеркәсіптік кәсіпорындарда және компанияларда жастармен жұмыс күшейтілуде. Жоғары, техникалық және кәсіптік білім беру ұйымдарында 33, әр түрлі меншіктегі кәсіпорындар мен мекемелерде 15 жастар ісі жөніндегі комитет жұмыс атқаруда. Облыстық «Жастар ресурстық орталығы» КММ-сі жанынан кәсіпорындар мен мекемелердің жастар ісі жөніндегі комитеттерінің жетекшілерінен құрылған Үйлестіру кеңесі жұмысын жүргізуде.

Облыс бойынша 65 жастар ұйымы тіркелсе, оның 42-сі белсенді жұмыс атқарады. Олардың құрамында 78 мыңнан астам мүшелері тіркелген.

Сондай-ақ, жыл басынан 18 әр түрлі деңгейдегі әкімдер жанындағы Жастар саясаты жөніндегі кеңес өткізілді (облыс, қала және барлық аудандарда).

Кеңес отырыстарында Қызылорда облысында мемлекеттік жастар саясатын жетілдіру және ведомствоаралық қарым-қатынасты тиімділігін арттыру жөнінде ұсынымдар әзірленіп, алда тұрған міндеттер қаралды (NEET санатындағы жастармен атқарылған жұмыстар, жастар мен жасөспірімдер арасындағы құқық бұзушылық пен қылмыстар бойынша жүргізілген мониторинг жайлы және жастар арасындағы құқық бұзушылықтың алдын алу мақсатында атқарылған шаралар және т.б.).


Мемлекеттік жастар саясатының жүзеге асырылуы

(2017 жылғы 9 ай қорытындысы бойынша)

ҚР Статистика комитетінің мәліметіне сәйкес үстіміздегі жылғы ІІ тоқсанына аймағымызда экономикалық белсенді жастар 95,8 мың адам (2016 жылғы ІІ тоқсанында 97,8 мың адам), оның 4 мыңға жуық жұмыссыздар (2016 жылғы  ІІ тоқсанында 4,9 мың адам). Жастар арасындағы жұмыссыздық деңгейі (15-28 жас аралығындағы) 4,2% құрап отыр (2016 жылғы ІІ тоқсанында 5,0%). Экономикалық белсенді емес жастар – 67 100 мың адам, оның ішінде оқудағылар – 19 649 адам, үй шаруашылығында 350 адам, денсаулығына байланысты үйде – 175 адам, басқа да жағдайлармен – 2469 адам. NEET санатына жататын жастардың саны 9,5% құрады (2016 жылғы ІІ тоқсанында – 12,6%).

Өңірімізде 9 «Жастар ресурстық орталығы» коммуналдық мемлекеттік мекеме, Байқоныр қаласында 1 бөлімше жастарға қызмет жасауда. Барлық қызметкерлер саны 100.

Есепті кезеңде орталықтардың ұйымдастыруымен барлығы 1079 шара ұйымдастырылып, 31 510 жас қамтылды. Әр түрлі бағыттар бойынша 5172 жасқа кеңес берілді (2365–і жұмыссыздық мәселесі, 218–і өз кәсіпкерлігін дамыту және кәсіби біліктілігін арттыру, 490 мемлекеттік бағдарламалар, 42-і діни ағымдар, 101-і тұрғын үй мәселесі бойынша, 46-і – әлеуметтік жобаларға қолдау көрсету, 93-і – біліктілігін арттыру, 401–і психологиялық бағытта және 1416 басқа да әлеуметтік бағыттағы кеңестер).

Жыл басынан облыстық жастар ресурстық орталығымен жастарды жұмыспен қамту бойынша 9 бос жұмыс орындарының жәрмеңкесі, 2286 жасқа кеңес беру шарасы өткізілді.

Сондай-ақ, жұмыспен қамту орталықтары тарапынан 83 бос жұмыс орындарының жәрмеңкесі ұйымдастырылып, облыста 871 жұмыс берушілерден 3406 бос жұмыс орны ұсынылды, оған 2815 жас қатысып, 2225 тұрақты жұмыс орындарымен қамтылды.

Жастар бастамаларына қолдау көрсету, бос уақытын тиімді өткізуге ықпал ету,  әлеуметтік аз қамтамасыз етілген отбасынан шыққан, жартылай жетім, тұл жетім жастарға тегін негізде әр түрлі бағытта оқу курстарын ұйымдастыру мақсатында облыстық «Жастар ресурстық орталығы» КММ-сі «IQ орда» оқу орталығы» ЖШС-мен  меморандумға отырды.

Қазіргі таңда Меморандум аясында 8 қыркүйектен бастап 12 мектеп оқушысы математика, ағылшын тілі, физика, химия, орыс тілі пәндері бойынша оқу курстарын бастады.

Облыстық жастар саясаты мәселелері басқармасы мен «Ашық Азаматтық Қоғам» ақпараттық - ресурстық орталығы» қоғамдық қорының ұйымдастыруымен 2017 жылдың 22 тамыз күні Достық үйінде Қызылорда өңірлік XІІІ жастар Дельфий ойындары өткізілді.

Өңірлік жастар Дельфий ойындарына Қызылорда қаласы мен аудандардан барлығы 13 номинация бойынша 100-ден астам шығармашыл жастар қатысты. Өңірлік Дельфий ойындарына Ұлттық Дельфий комитетінің атқарушы директоры Түспекова Қ. және танымал академиялық орындаушы Желтыргузов А. қатысып, академиялық орындаудан мастер-класс өткізді.

Биылғы жылғы өңірлік жастар Дельфий ойындарынан топ жарып, озып шыққан жеңімпаздар 2017 жылдың қараша айында өтетін республикалық XIIІ Ұлттық жастар Дельфий ойындарына 13 номинация бойынша 17 жеке орындаушы және 3 би ансамблі жолдама алды.

Қызылорда облысының жастар саясаты мәселелері басқармасының ұйымдастыруымен 15 қыркүйек күні Қызылорда қаласында орналасқан «Сыр сүлейлері» аллеясында «РУХАНИ ЖАҢҒЫРУ» жалпыреспубликалық жастар акциясының ашылу салтанаты өткізілді.

Аталған акция ҚР Президенті Н. Назарбаевтың 12 сәуірде жарияланған «Болашаққа бағдар: рухани жаңғыру» бағдарламалық мақаласын жұртшылық арасында, оның ішінде жастар арасында кеңінен насихаттау мақсатында ұйымдастырылды. Шараның ашылу салтанатында облыс әкімінің орынбасары Р. Рүстемов және «Нұр Отан» партиясы облыстық филиалы төрағасының бірінші орынбасары И. Құттықожаев сөз сөйлеп, қатысушыларды акцияның басталуымен құттықтады. Шараға облыс орталығындағы жоғары және кәсіптік, техникалық оқу орындарының 1200-ге жуық студент жастары қатысты. Акция барысында өңірдің жас өнерпаздары өнер көрсетіп, ұлттық спорт түрлерінен сайыс ұйымдастырылды. Сондай-ақ, Елбасының бағдарламалық мақаласын білуге арналған викториналық ойындар өткізіліп, белсенді қатысушыларға бағалы сыйлықтар табысталды.

Айта кету керек, аталған акция 15-22 қыркүйек аралығында облыстың барлық елдімекендерінде өткізіліп, 100-ге жуық әр түрлі форматтағы шаралар ұйымдастырылды.

Акция төрт бағытта жүзеге асырылды:

- «БІЛІМ» бағыты бойынша «Рухани жаңғыру» бағдарламалық мақаласын, ұлттық дәстүрлерді, Қазақстанның және туған өлкенің тарихын білу бойынша жалпыхалықтық іс-шаралар ұйымдастыру;

- «АСАР» бағыты бойынша зейнеткерлерге, жалғызбасты қарт кісілерге, тұрмысы төмен және аз қамтылған отбасыларға көмек көрсету, қарттар үйіне сенбілік ұйымдастыру, балалар алаңдарын жөндеуден өткізу;

- «ТАҒЗЫМ» бағыты бойынша қасиетті орындарды, тарихи маңызды ескерткіштер айналасын тазалау және абаттандыру жұмыстарын жүргізу, су арналарын тазалау, әр түрлі экологиялық акциялар ұйымдастыру;

- «ӨНЕР» бағыты бойынша әр түрлі субмәдениет өкілдерін тарта отырып, фестивальдер, спорттық шаралар ұйымдастыру.

Жастар арасында қалыптасқан әлеуметтік проблемаларды анықтау, олардың шешу жолдарын қарастыру, жастар мен жасөспірімдер арасында құқықбұзушылықтың алдын алу мақсатында облыстық басқармалардың, Қызылорда қаласының әкімдігінің, жергілікті полиция қызметі мен белсенді жастар ұйымдарының өкілдерінен төрт мобильді топ құрылған болатын.

Мобильді топтың жұмысы ү.ж. 12-19 қыркүйек аралығында ұйымдастырылып, облыс орталығында орналасқан жоғары, кәсіптік және техникалық оқу орындарының 4 жарым мыңнан астам студент жастарымен кездесулер өтті. Бүгінгі күні бұл бағыттағы жұмыстар жатақханалардағы студент жастармен жүргізілуде.

Сондай-ақ, ү.ж. 9-18 қыркүйегі аралығында «Нұр Отан» партиясының облыстық филиалы, жергілікті полиция қызметі, жастар ұйымдарының өкілдері мен жергілікті бұқаралық ақпарат құралдарының қатысуымен қаладағы ойын-сауық орталықтарында «StopҚЫЛМЫС!» түнгі рейд жұмыстары ұйымдастырылды.


2017 жылдың І жартыжылдығында Қызылорда облысында мемлекеттік жастар саясатының жүзеге асырылуы

1. Жалпы мәлімет.

Үстіміздегі жылы «Қызылорда облысы бойынша мемлекеттік жастар саясатын дамытудың 2021 жылға дейінгі Жол картасы» әзірленді. Жол картасына 10 бағыт бойынша 31 нысаналы индикатор енгізілді. Жол картасы аясында өңірде жастар арасында қалыптасып отырған әлеуметтік проблемаларды кезең-кезеңімен шешу, табысты, бәсекеге қабілетті және ұлтжанды жас қазақстандықтарды қалыптастыру мақсатында салаларалық байланыс күшейтіледі.

Сонымен қатар, жастар арасында құқық бұзушылықтың алын-алу, кәмелетке толмағандар арасындағы қылмыстың өсуіне жол бермеу мақсатында «Облыс бойынша NEET санатындағы жастармен жұмыс жасау жөніндегі егжей-тегжейлі іс-шаралар жоспары» облыс әкімімен бекітілді.

Жоспар аясында қылмыстың алдын алу шараларын жастарға кеңінен насихаттау мақсатында өткізілген кездесулерге барлық жоғары, техникалық және кәсіптік білім беру ұйымдары, Байқоңыр қаласында, 7 ауданда, 36 ауылдық округті қамтып, оған 6000-нан астам жас тартылды. Кездесу барысында жастар арасындағы құқық бұзушылық алдын алу, жастар тәрбиесі, ұлттық құндылықтарымызды сақтау мақсатында түсіндірме жүргізіліп, арнайы әзірленген бейнероликтің көрсетілімі ұйымдастырылды.

Сондай-ақ, облыс әкімдігінің Ахуалдық орталығында NEET санаттағы жастардың модулі құрылуда. Модульдің негізгі мақсаты осы санаттағы жастардың көрсеткішінің өсу динамикасын бақылау және оларға әсер етуші факторларды анықтау, сәйкесінше олармен адресті жұмыстарды жүргізу.

2. Мемлекеттік жастар саясатының институционалды дамуы.

Ірі өнеркәсіптік кәсіпорындарда және компанияларда жастармен жұмыс күшейтілді. Әр түрлі меншіктегі кәсіпорындар мен мекемелерде 15, жоғары, техникалық және кәсіптік білім беру ұйымдарында 34 жастар ісі жөніндегі комитет жұмыс атқаруда. Облыстық «Жастар ресурстық орталығы» КММ-сі жанынан кәсіпорындар мен мекемелердің жастар ісі жөніндегі комитеттерінің жетекшілерінен құрылған Жастар кеңесі жұмысын жүргізуде.

Орталықтың қызметкерлері мен комитет жетекшілеріне арналған жастармен жұмыс жасаудың тиімді әдістері, міндеті мен мақсатын түсіндіруге бағытталған кездесу өтті.

Ү.ж. ақпан айында облыстық жастар ресурстық орталығының мәжіліс залында жоғары және орта арнаулы оқу орындары жанындағы жастар комитетінің жетекшілеріне арналған семинар-тренинг ұйымдастырылды. Семинар-тренингке оқу орындарының жастар комитетінің жетекшілері, үйірме, клуб жетекшілері қатысты. Қатысушыларға жастармен жұмыс жасаудың тиімді әдістері, жастар комитетінің міндеті мен мақсаты туралы толық ақпарат берілді.

Сонымен қатар, 20 ақпанда  Қорқыт Ата атындағы ҚМУ-нің мәжіліс залында Л.Н.Гумилев атындағы Еуразия ұлттық, Әл-Фараби атындағы Қазақ ұлттық университеттерінің білім алушы белсенді студенттері, жастар комитетінің жетекшілерімен бейнеконференциясы өткізілді. Шараның мақсаты 2017 жылғы 25 қаңтардағы ҚР Президенті Н.Ә.Назарбаевтың билік тармақтары арасында өкілеттіктерді қайта бөлу мәселелері жөніндегі Үндеуі және 31 қаңтардағы «Қазақстанның үшінші жаңғыруы: жаһандық бәсекеге қабілеттілік» атты Қазақстан халқына Жолдауын жастар арасында түсіндіру, жоғары оқу орындарының білім алушы студенттері арасында тәжірибе алмасу болып табылады. Аталған шараға барлығы 100-ге жуық жас қатысты.

Облыс бойынша 65 жастар ұйымы тіркелсе, оның 42-сі белсенді жұмыс атқарады. Олардың құрамында 78 мыңнан астам мүшелері тіркелген. «Жастар ресурстық орталығы» КММ-сі жанынан жастар ұйымдарын дамыту жөніндегі Үйлестіру кеңесі жұмыс жасайды.

Үстіміздегі жылғы 15 ақпанда Орталықтың мәжіліс залында үкіметтік емес ұйымдар және орталық мамандарының қатысуымен «Жастар ресурстық орталығы» КММ-сі жанынан жастар ұйымдарының қызметін үйлестіру кеңесін құру бойынша жиын өткізілді.

Жиын барысында жастар ұйымдарының мүшелері өз қалаулары бойынша үйлестіру кеңесінің құрамына енгізілді. Кеңес төрағасы болып, көпшіліктің дауысымен сайланды. 20-ға жуық үкіметтік емес ұйымдарының мүшелері ұсыныс-пікірлерін білдіріп, алдағы жұмыс жоспарларын талқылады. 9 наурызда орталықтың мәжіліс залында Үйлестіру кеңесінің алғашқы отырысы өткізілді.

3. Жастар ресурстық орталығының қызметі.

Облыста 9 жастар ресурстық орталығы жұмыс жасайды. Онда 86 маман жастармен жұмыс жасайды. Әрбір ауылдық округте жастар ісі жөніндегі 149 маман қызмет көрсетуде.

Үстіміздегі жылы облыстық орталықпен 10 бағыттан тұратын жоба жүзеге асуда. («Жас кеңесші», «Жастар қоғам назарында», «КZO fan club», «Жас Отау», «Эрудит», «Жүрек жылуы», «Жас маман», «Еріктілер мектебі», «Жастар стартап», «Біз спортты таңдаймыз»).

Жұмыссыз және өзін-өзі тиімсіз жұмыспен қамтыған жастар үшін ағылшын тілі, компьютерлік, құқықтық сауаттылық бойынша оқыту курстары жүргізілуде. Оған 174 жас қатысуда.

Қазақстан Республикасындағы Біріккен Ұлттар Ұйымының Балалар қорының (ЮНИСЕФ) сарапшыларының қолдауымен «Жастар ресурстық орталықтарын дамыту бойынша Жол Картасы» аясында ү.ж. қаңтар, наурыз айларында ресурстық орталық мамандарының біліктілігін арттыру курстары ұйымдастырылды. Бірлескен жұмыс нәтижесімен орталықтың жастармен жұмыс жасаудағы жаңа тәсілі қалыптастырылуда.

Ү.ж. мамыр айында облыстық орталықтың ғимаратына күрделі жөндеу жұмыстары жүргізілуде (34 млн.055 мың тг), шілде айынан бастап,  орталықта жастарға арналған COWORKING, IT-CENTER, продюсерлік орталықтар және психологиялық, видео ойындар бөлмелері және түрлі спорттық секциялар жұмысын бастамақ.

2017 жылға арналған жастар саясаты саласындағы республикалық оқиғалар кестесіне және облыстық қоғамдық саяси маңызды шаралардың күнтізбелік жоспарына 12 шара енгізілген. Олардың ішінде  Ғани Мұратбаевтың 115 жылдығына арналған Халықаралық жастар форумы, Республикалық еңбек маусымының ашылу салтанаты, облыс жастарының форумы және тағы да басқа жастарға маңызды ісшаралар қамтылды.


Қызылорда облысында мемлекеттік жастар саясатының жүзеге асырылуы 
 
1 қаңтар 2017 жылы «Қызылорда облысының жастар саясаты мәселелері басқармасы» мемлекеттік мекемесі құрылып, өз жұмысын бастады.
1.Жалпы статистикалық мәлімет.
Қызылорда облыстық статистика департаментінің мәліметіне сәйкес Байқоңыр қаласының жастарын қоса есептегенде 14 пен 29 жас аралығында 201 347 азамат (2015 жылдың басына 203 454 жас) тіркелген. Оның ішінде, қала жастары - 83 161 (41,3 %), ауыл жастары 118 186 (58,7 %) адам. Жастар өңірдегі жалпы халықтың 26,7 % құрайды.
2016 жылғы ІІІ тоқсанына аймағымызда экономикалық белсенді жастар 100,5  мың адам (15-28 жас аралығындағы), оның 4 900 азаматы жұмыссыздар, жұмыспен қамтылғандар – 95 600, жалдамалы қызметкерлер – 51 200, өз бетінше жұмыспен қамтылған қызметкерлер – 44 400. 
Жастар арасындағы жұмыссыздық деңгейі 3,2%, NEET санатына жататын жастардың саны 12,9% құрады (экономикалық белсенді емес - 62,6 мың адам, оның ішінде оқудағылар - 47,8 мың адам, үй шаруашылығында - 2 278 адам, денсаулығына байланысты - 948 адам, басқа мәселелер бойынша – 11 497 адам).
2.Қаржыландыру көлемі.

Үстіміздегі жылы жастар саясатын жүзеге асыруға 515 млн. 754 теңгеге жуық қаржы қарастырылып, алдыңғы жылмен салыстырғанда 40 пайызға артқан. Оның ішінде мемлекеттік әлеуметтік тапсырысқа 192 млн. 450 теңге қаржы қарастырылды (133,2 млн.теңге). Барлығы 43 әлеуметтік жобаны жүзеге асыру жоспарлануда, оның 26-ы қала және аудандық деңгейде іске асуда.

Сонымен қатар, тұрмысы төмен отбасыларынан шыққан күндізгі бөлімде білім алатын 3 214 студентке қоғамдық көлікте жеңілдікпен жүруге облыстық бюджеттен 109 млн. 070 мың теңге қаржы бөлінді.  
3.Жастарға қолжетімді білім беруді қамтамасыз ету 
Қазіргі таңда 95% мектеп түлектері колледждер мен ЖОО-да білім алуда.
Қызылорда облысынан «Серпін-2050» бағдарламасы бойынша
3631 студент жоғары және орта білім беру мекемелерінде оқуда.
Сонымен қатар, Ресей Үкіметінің білім гранттары негізінде Мәскеу және Санкт-Петербургтің беделді жоғары оқу орындарында 419 сырбойылықтың білім алуына жағдай жасалды. 2017 жылы халықтың осал топтарынан шыққан 512 студентке облыс әкімінің білім гранты тағайындалды.
4.Жастар комитеттері мен ҮЕҰ.
Жоғары, техникалық және кәсіптік білім беру ұйымдарында 34, әр түрлі меншіктегі кәсіпорындар мен мекемелерде 15 жастар ісі жөніндегі комитет жұмыс атқаруда. Облыстық «Жастар ресурстық орталығы» КММ-сі жанынан кәсіпорындар мен мекемелердің жастар ісі жөніндегі комитеттерінің жетекшілерінен құрылған Жастар кеңесі жұмысын жүргізуде.
Облыс бойынша 65 жастар ұйымы тіркелсе, оның 42-сі белсенді жұмыс атқарады. Олардың құрамында 78 мыңнан астам мүшелері тіркелген. 
5.Жастармен адресті жұмыс.
2017 жылдың қаңтар айынан бастап Қызылорда қаласы және аудан әкімдіктері жанынан заңды тұлға ретінде құрылған 9 жастар ресурстық орталығы жұмыс жасауда (9 - «Жастар ресурстық орталығы» КММ-сі, 1 - Байқоңыр қаласында бөлімше)
Жастарды жұмыспен қамту мақсатында облыстық орталық жанынан ашылған рекрутинг орталығы қызметін атқаруда. 
NEET санатындағы жастармен жұмысты күшейту мақсатында ұйымдастырылмаған жастармен жұмыс жасау және жастар арасындағы жұмыссыздықты жою бойынша салааралық іс-шаралар жоспары аясында 
жасалған NEET санатына жататын жастар дерек қоры бойынша жұмыс жүргізілуде.Базаға енген жастар маусымдық жұмыстарға,«Нәтижелі жұмыспен қамтуды ұйымдастыру және жаппай кәсіпкерлікті дамытудың 2017-2021 жылдарға арналған» бағдарламасы аясында қайта даярлау және біліктілігін арттыру курстарына тартылады.
Барлық орталықтар қызметкерлерімен ү.ж. қаңтар айында 35 шара ұйымдастырылды, атап айтқанда, жастар арасында діни экстремизм құбылыстарының алдын алу - 21 кездесу, «Дүниежүзілік қысқы Универсиада – 2017» ойындарына орай эстафеталық жарыс, 2 кездесу, 2 акция, «Жайдарман» ойыны, мемлекеттік бағдарламаларды насихаттау бойынша 6 кездесу мен акция, оқушылар Парламентінің отырысы өткізілді.
Сонымен қатар, мемлекеттік жастар саясатын жетілдіру мақсатында 2020 жылға дейінгі стратегиялық бағдарламасы әзірленуде.
Құрылған күні: 28-01-2017 11:37
Жаңартылған күні: 10-12-2019 21:43

©  ҚЫЗЫЛОРДА ОБЛЫСЫНЫҢ ӘКІМДІГІ

Барлық құқықтар қорғалған және сақталған.

Сайттан мәлімет қолданған жағдайда түпнұсқаға сілтеме болуы міндетті

Яндекс.Метрика